زەخمدارەیلیگ وە تەقینەوە و دەسکاریکردن چەک و تلیان لە زیقار
2023-05-13T09:15:51+00:00
شەفەق نیوز/ سەرچەوەیگ ئەمنی لە زیقار، ئمڕوو شەممە، خەوەردا لە توومارکردن شمارەیگ رویداو ئەمنی بوینە هوکار کەفتن زەخمدارەیلیگ لە پارێزگاگە، لەلیان پەلامارداین ماڵیگ و تلیان فەرمانبەریگ حکومەتی.
سەرچەوەگە ئەرا ئاژانس شەفەق نیوز وت: گەنجیگ لەناو تەمەن ٢٠ ساڵان، لەناو ماڵەگەی لە قەزای سوق شیوخ لە ئەنجام دەسکاریکردن چەک کلاشینکۆف گولە لە شانی دریا، و بریا خەسەخانە.
سەرچەوەگە وتیش: فەرمانبەریگ حکومەتی لە شارەوانی کار کەێد لە قەزای غەراف باکوور ناسریە کەفتە وەر رویداو تلیان وە ماتۆرسکڵیگ (سەتوتە) و رانندەی ماتوورسکڵەگە و کەسیگ وەگەردی لە خود رویداوەگە زەخمدار بوین.
سەرچەوەگە دیاری کرد ک بومبیگ دانریاگ تەقیە بان ماڵیگ لە ئاوای ئاڵ موسا لە ناحیەی عکێکە باشوور زیقار، و زەرەد گەورەیگ وەماڵەگە رەسان، و لە لێکۆڵینەوە دەرکەفت ک ئەو رویداوە لەئەنجام ناکۆکی لەبان پارچە زەوییگ بویە.
