زەخمداری لەناو زیارەتکەرەیل ئیرانی وە رویداویگ هاتوچو باشوور عراق
2023-08-27T14:15:21+00:00
شەفەق نیوز/ سەرچەوەیگ ئەمنی لە زیقار، ئمڕوو یەکشەممە، خەوەردا لە توومارکردن رویداویگ دڵتەزن خوەرئاوای شار ناسریە، بویە هوکار زەخمداری چەن کەسیگ، و کەسەیلیگ بیگانە هاناویان.
سەرچەوەگە ئەرا ئاژانس شەفەق نیوز وت: رویداویگ هاتوچو لەبان ری گشتی لە قەزای بەتحا کەفتە ناوبەین دوو ماشین (ساڵۆن و نیمچە پاس ستاریکس)
کە بویە هوکار زەخمداری ١١ کەس بەشیگیان زەخمییان سەختە.
دیاری کرد کە ٧ کەس ئیرانی هانە ناو ئەو زەخمدارەیلە کە ئەرا زیارەت چلەی ئیمام حسێن هاتنە، وتیش؛ گشت زەخمدارەیل ئەرا خەسەخانەیگ نزیک بریان.
هەمیش لە زیقار، سەرچەوەگە وتیش: کەسەیلیگ نەناسیاگ گولەی ئار بی جی ئەرا بان ماڵیگ لە قەزای گورمەت بەنی سەعد باشوور پارێزگاگە وەشاننە، و دیاری کرد کە کولەگە کەفتە ناو دیوەخان ماڵەگە، و زەرەد گەورەیگ رەسانە ماڵەگە، وبی زەخمداری کەسیگ.
