زەخمداری شەش کەس لە وەردەوەیگ لە کەرکوک

 سەرچەوەگە ئەرا ئاژانس شەفەق نیوز وت: “لە گەڕەک نیدا لە نزیک مزگەفت سەلام لە باشوور کەرکوک دەنگ تەقە ژنەفیاس، کە  کلکردن دەوریەیگ لە بنکەی پۆلیس پەیوەندیدار و پۆلیس فریاکەفتن  و مەفرەزەیل فەوج تاکتیکی و سوات خوازیە ئەرا فامستن بندروس تەقەکردنەگە”، وتیش: “هەناێ هێزەگە رەسیە شوینەگە، ئەرایان دەرکەفت کە جەنگ لە ناوەین دوو لایەن بویە کە لەناوی چەک ئاگرین لە جویر کڵاشینکۆف و کوتەک وەکار هاوردنە، کە دەسوەردان خوازیە، و هوکارەیلی دیاری کریا.

 سەرچەوەگە وتیش: "ئەو هێزە شەش کەس دەسگیر کرد کە سەربازیگ سوپای عراقی و خوەنەواریگ ناوەندی و چوار کەس ترەک بوینر ئەو شەش کەسە لە سەر و دەموچەو و دەسیان زەخمدار بوین، گشتیان دەسگیر کریان، زەخمدارەیلیش ئەرا خەسەخانە بریان."

سەرچەوەگە دووپات کرد کە “دادوەر لێکۆڵینەوە بڕیار دەسگیریان بکەێد و لێکۆڵینەوە وەردیان جیوەجی بکریەێد و لەوەر کاردانەوەی سکاڵاگە وەگورەی مادەی 413ی یاسای سزادان عراقی رەوانەی دەسەڵات دادوەری بکەن، و دەسنریا وەبان چەکیگ کڵاشینکۆف.”