زەخمداری دوو ژن وە پەلاماریگ دزیکردن لە باشوور عراق
![زەخمداری دوو ژن وە پەلاماریگ دزیکردن لە باشوور عراق](https://media.shafaq.com/media/arcella/1629284913333.jpg)
2021-08-18T11:09:10+00:00
شەفەق نیوز/ سەرچەوەیگ ئەمنی وەرپرس، ئمڕوو چوارشەممە، خەوەردا لە زەخمداری دوو ژن لە پەلاماریگ دزیکردن لەبان یەکیگ لە ماڵەیل شار عمارە لە پارێزگای میسان.
سەرچەوەگە ئەرا ئاژانس شەفەق نیوز وت: چەکدارەیلیگ پەلامار ماڵیگ دان لە حەی جامعی ناوڕاس شار عمارە ئەرا دزیکردن، و دوو ژن زەخمدار کردن زەخمەیل یەکیگیان سەختە.
سەرچەوەگە وتیش؛ چەکدارەیلە وەرەو شوین نادیاریگ واین، ودزیەگە وەپیان نەکریا.