زەخمداری دوو مەدەنی وە تەقینەوەیگ لە نەینەوا
2022-10-29T10:33:18+00:00
شەفەق نیوز/ سەرچەوەیگ ئەمنی، ئمڕوو شەممە، خەوەردا لە زەخمداری دوو مەدەنی وە تەقیان بومبیگ دانریاگ لە خوەرئاوای شار مووسڵ ناوەند پارێزگای نەینەوا.
سەرچەوەگە ئەرا ئاژانس شەفەق نیوز وت: بومبیگ دانریاگ لە جیماگەیل ریخریاگ داعش، لە ناوچەی قادسیە لە قەزای تەلەعفەر تەقیەو، ک بویە هووکار زەخمداری دوو مەدەنی.
سەرچەوەگە دیاری کرد ک هیزیگ ئەمنی دەورگرد شوین رویداوەگە گرد، وتیش: زەخمدارەیل ئەرا خەسخانەیگ نزیک بڕیان.
