زەخمداری دوو سەرباز وە بومبیگ دانریاگ لە سەڵاحەدین
2021-05-27T13:12:56+00:00
شەفەق نیوز/ سەرچەوەیگ ئەمنی لە سەڵاحەدین، ئمڕوو پەنجشەممە، خەوەردا لە زەخمداری دوو سەرباز لگوە تەقینەوەی بومبیگ دانریاگ لە خوەرهەڵات پارێزگاگە.
سەرچەوەگە ئەرا ئاژانس شەفەق نیوز وت: بومبیگ دانریاگ، نیمەڕو ئمڕوو، تەقیە بان هێزیگ لە فەوج سێیەم لە ئۆپەراسیۆنەیل سەڵاحەدین لە مەوقەی رەدبوینی لە نزیک ئاوای بیر ئەحمەد لە خوەرهەڵات قەزای دووزخورماتوو لە نزیک پوڵ زەرگە لە خوەرهەڵات سەڵاحەدین، ک بویە هووکار زەخمداری دوو سەرباز.
