زەخمداریبوین وە هیزگردن ئاگر لەناو ماڵیگ و ژنە کراکاریگ دزی لە سەنتەریگ جوانکاری کەێد لە زیقار
2024-02-20T14:53:26+00:00
شەفەق نیوز/ سەرچەوەیگ ئەمنی لە پارێزگای زیقار، ئمڕوو سێشەممە، خەوەردا لە زەخمداریبوین سێ کەس وە هیزگردن ئاگر لەناو یەکیگ لەماڵەیل لەناوڕاس شار ناسڕیە.
سەرچەوەگە وە ئاژانس شەفەق نیوز وت، " ئاگر لەناو ماڵیگ لە ناوچەی "ئەلشوفەت" لەناوڕاس ناسڕیە هیزگردیە لەئەنجام تەقیان بوتڵ غاز لەناو ئاشپەزخانەگە، لە ئەنجام 3 کەس تویش زەخمداری سەختیگ هاتن و ئەرا چارەسەرکردن کلکریانە خەسخانە".
سەرچەوەگە وتیش "سەنتەریگ جوانکاری رویوەروی دزین بویە لەناوڕاس شار ناسڕیە وە دەس یەکیگ لە خانمە کراکارەیلی".
لەباوەت هویردەکاری رویداوەگە سەرچەوەگە وە ئاژانس شەفەق نیوز وت، "خانمە کراکارەگە لەناو سەنتەرەگە زیارتر لە 5 ملیۆن دینار دزیە" وتیش، " ئەرا شوین نادیاریگ وایە".
