زەخمداری یاوەر وەڕێۆبەر هەواڵگری سەلاحەدین وە قەناس داعش

شەفەق نیوز/ سەرچەوەیگ ئەمنی، ئمڕوو دووشەممە، خەوەردا لە زەخمداری یاوەر وەڕێۆبەر هەواڵگری سەلاحەدین وە گولەی قەناس لەمەوقەی جیوەجیکردن ئۆپراسیۆنیگ ئەمنی لە دەورگرد پارێزگاگە.

سەرچەوەگە ئەرا ئاژانس شەفەق نیوز وت: هێزەیلیگ لە فەرماندەی پۆلیس سەڵاحەدین و حەشد شەعبی لیوای هەشتا وهەشت، دەسکردنە هەڵمەتیگ ئەمنی ئەرا وەشکین جەلام دۆر و عێس لە خوەرهەڵات سەڵاحەدین و تەقە لە ئەندامەیل ریخریاگ داعش کردن.

سەرچەوەگە دیاری کرد ک عەمید روکن محمد حامد یاوەر وەڕێۆبەر هەواڵگری سەلاحەدین کەفتە وەر گولەی قەناس و زەخمدار بوی، و هەڵمەتەگە ناچار داعش وە وایین کرد.