زەخمداری پیای پیریگ لە بەغداد و زەخمداری هەردوگ ژنەگەی

شەفەق نیوز/ سەرچەوەیگ ئەمنی، ئمڕوو دووشەممە، خەوەردا لە کوشیان پیاییگ تەمەنی نزیک ٨٠ ساڵە، و زەخمداری دوو ژنەگەی، دویای ئەوە کە کەسیک نەناسیای چگە ناو ماڵیان لە ناوچەی ئەمین لە بەغداد پایتەخت.

سەرچەوەگە ئەرا ئاژانس شەفەق نیوز وت: کەسیگ نەناسیای چگە ناو ماڵیگ لە ناوچەی ئەمین، کە بویە هوکار کوشیان پیای پیریگ لەداڵگبوی ساڵ ١٩٤٧ و زەخمداری دوو ژنەگەی لەداڵگبوی ١٩٦٠ و ١٩٤٠، کە زەخمییان سەختە و ئەرا خەسەخانە بریان، و ناوانکارەگە لەو شوینە وایە.

دیاری کرد کە وەگورەی زانیارییەیل سەرتایی، ئەو کابرا ئەرا دزیکردن چگەسە ناو ماڵەگە، و لێکۆڵینەوە لە رویداوەگە واز کریا.