زیارەت چلەی ئیمام حسێن...بەشیگ لە ریەیل دیالە-بەغدا بەسێد
2023-08-30T07:05:35+00:00
شەفەق نیوز/ فەرماندەی پۆلیس دیالە، ئمڕوو چوارشەممە، بەسیان بەشیگ لە ری سەرەکی ناوەین پارێزگاگە و بەغدا راگەیان لەوەر ئاسانکاریکردن هاتوچو زیارەتکەرەیل پیادە لە چوارچمگ پیلان ئەمنی و خزمەتگوزاری.
وەڕیەوبەر راگەیانن و پەیوەنیەیل فەرماندەیەگە عەقید هەیسەم شەمری وە ئاژانس شەفەق نیوز وت، دەسڵاتدارەیل ئەمنی ریڕەو زیارەتکەرەیل لە مونزیەوە تا بەغدا بەسانە ئەرا ئاسانکاریکردن هاتوچویکردن زیارەتکەرەیل پیادە، دووپاتکرد ری ماشینەیلە لەبان ریڕەوەگە وە گشت ئاسانیگ توەنن رەدبوون.
دیاریکرد بەسین ریڕەوەیل دیالە و بەغدا لەوەر چڕی هاتوچو زیارەتکەرەیل پیادەس ئەرا بەغدا و لەورەیش ئەرا کەربەلا ئەرا وە جی رەسانن مەراسیم زیارەت چلە.
ئاشکەرایکرد زیارتر لە 18 هەزار ئەندام ئەمنی بەشداری پیلان زیارەتکردن چلە کردنە وە هماهەنگی وەرد پێکهاتەیل هەواڵگێری و هێزەیل پشتیوانی خزمەتگوزاری ئەرا سەرکەفتی بوین پیلانەگە.
