زیاتر لە یەک ملیۆن خوەنەوار لە عراق روی وەرەو بنکەیل تاقیکردنەوە کردن
2023-05-21T07:51:43+00:00
شەفەق نیوز/ وەزارەت پەروەردە راگەیان، شەوەکی ئمڕوو یەکشەممە 2023/5/21 بروار، زیاتر لە یەک ملیۆن و 150 هەزار خوەنەوار پۆل شەش سەرەتایی روی وەرەو هۆلەگان تاقیکردنەوە کردنە ئەرا ئەنجامداین تاقیکردنەوەیل گشتی لە دویای دابینکردن گشت پێداویستیە لۆجستیکیەگان.
نوسینگەی راگەیانن وەزیر پەروەردە ئمڕوو لە بەیاننامەیگ وت، وەزارەت پەروەردە سەرنج و گشت تواناگانی وەکارهاوردیە ئەرا دابینکردن ئەوەک خوەنەوار پێویستییە لەناو بنکەیل تاقیکردنەوە، وەگەرد هەماهەنگی کردن وەرد لایەنەیل وزاری پاڵپشتبن لە ئاسایش و کارەبا و تەندروسی ئەرا مسۆگەر کردن ئاسوودەیان و تەواوکردن پرۆسەی تاقیکردنەوەگە وە شیوەی بی گیچەڵ و ئاستەنگیگ وەرجەو.
