زیاتر لە سێ ملیار دۆلار داهات دارایی عراق لە فرووشتن نەفت ئەرا یەک مانگ
شەفەق نیوز/ وەزارەت نەفت، ئمڕوو سێشەممە، راگەیان بڕ داهات هەناردە نەفتیەگان ک لەمانگ تەمووز ئەنجام دریاگە.
کۆمپانیای سۆمۆ سەروە وەزارەتەگە لە بەیاننامەیگ رەسیە ئاژانس شەفق نیوز وت: وەگورەی دویاترین ئامار، بڕ هەناردە نەفتیەگان رەسیە ٨٥ مەلیۆن و ٦٦٣ هەزار و ٢٩١ بەرمیل، وەداهاتیگ رەسیە ٣ ملیار و ٤٩١ مەلیۆن و ٧٦٧ هەزار دۆلار.
وتیش؛ بڕ هەناردە کریایەگە لە نەفت خام ئەرا مانگ تەمووز لە کێڵگە نەفتیەگان ناوڕاس و باشوور عراق رەسیە ٨٢ مەلیۆن و ٧٠٠ هەزار و ٣٨١ بەرمیل، وەداهاتیگ رەسیە ٣ ملیار و٣٦٦ مەلیۆن و٦٦ هەزار دۆلار، وپڕ هەناردەی نەفت کەرکوک لە ری بەندەر جیهان رەسیە دوو مەلیۆن و ٧٠١ هەزار و١٥ بەرمیل وەداهاتیگ رەسیە ١١٨ مەلیۆن و ٥٣٦ هەزار و ٧٧٣ دۆلار.
هەمیش وت: بڕ هەناردەگە لەری پاڵاو سمود ئەرا ئوردن رەسیە ٢٦١ هەزار و ٨٩٥ بەرمیل وەداهاتیگ رەسیە ٧ مەلیۆن و ١٧٤ هەزار و ١٣٤ دۆلار، ودیاری کرد ک ئاست نرخ یەک بەرمیل رەسیە ٤٠،٧٦٢ دۆلار.
