زیاتر لە 30 ساڵ دیەی لەدەسدایە...خەسخانەی بەغدا لە نەشتەرگەرییگ دەگمەن نووڕین ئەرا بیماریگ گلەودێد

وەپای بەیاننامەی فەرمانگەی تەندروسی ک رەسیەس ئاژانس شەفەق نیوز، تیمیگ پزیشکی تایوەت وە نەشتەرگەری چەو لە خەسەخانەی کەرامەت فێرکاری، نەشتەرییگ ئەنجامدانە لە جویر گلەوداین نووڕین ئەرا بیماریگ  ک ماوەی درویژیگە وە تەواوی بینایی لەدەسدایە، لەوەر هەبوین "ئاو سیا" لەچەوی.

دکتۆر عەلی موحارب سەرۆک تیم پزیشکی، و پسپۆر نەشتەرگەری چەو وت، بیمارەگە سەردان نۆرینگەی راوێژکاری کردیە  ک زیاتر لە 30 ساڵە وە دەس لەدەسدان بینایی وە تەواوی ناڵێد، لەوەر هەبوین ئاو سیا لە چەوی.

وتیش، لەدویای وشکنینەیل پێویست دەرچگە دەرچگن گەپێگیش لە هاوینەی چەوی بویە، و ئەرا هۆڵ نەشتەرگەری کلکریا، و ئاو سیاگە لاوریا وەگەرد پاراستن هاوینگەی وەشیوەی (MSIC) وەگەرد نەتەرگەری بڕین شلەی شویشەیی و دانان هاوینەیگ لە جویر (Artisan) لەپشت چەو، بیمارەگە بینایی  نیعمەت دوینین وەدەسهاورد و  لەدویای لە دەسدانی ئەرا ماوەی درویژیگ.