رووداویگ دڵتەزن لەبان ری کەرکوک- هەولێر گیان ژن و شوییگ رفنێد
2021-08-04T10:54:49+00:00
شەفەق نیوز/ سەرچەوەیگ ئەمنی لە کەرکوک، ئمڕوو چوارشەممە، خەوەردا لە کوشیان ژن و شوییگ وە رووداویگ هاتوچوو دڵتەزنیگ لەبان ری ناوبەین پارێگاگە و هەولێر.
سەرچەوەگە ئەرا ئاژانس شەفەق نیوز وت: رووداوەگە لەناونی سێ ماشین بوی لە نزیک ئاوای کلور لەبان ری هەولێر کەرکوک، بویە هووکار کوشیان دوو هاوسەر.
سەرچەوەگە دیاری کرد ک هێزیگ ئەمنی لێکۆڵینەوەیگ واز کرد، و تەرم دوو قوربانیەگە وەرەو پزشک دادوەری بریان.
