روژەیل پشوو فەرمی ئی مانگە و سەرەتای ساڵ ئایندە لە هەرێم کوردستان

شەفەق نیوز/ ئی مانگ کانوون یەکەم چەن رووژیگ  پەککەفتن دەوام فەرمی وە خوەی دوینێد بەشیگی تایبەتە وە  فەرمانبەرەیل کەرت گشتی و بەشیگیش تایبەتە وە خوەنەوارەیل مەکتەو ک پەیوەنی وە تاقیکردنەوەیل وەرزی دیرێد.

وەگورەی ساڵنامەی پشوو فەرمی ک حکومەت هەرێم کوردستان بڵاوی کردیە،  رووژ 25 ئی مانگە پشوو فەرمیە لە گشت ناوچە و شارەیل کوردستان عراق  وە بوونەی لە داڵگبوین عیسای مەسیح.

و پشوویگتر هەس ئەرا فەرمانبەرەیل فەرمانگە و دامودەزگایەیل حکومی لە هەرێم ک یەکەم رووژ ساڵ ئایندەس 2023.

و پشوو فەرمی وەرز یەکەم  لە مەکتەوەیل و بازنەیل پەروەردەیی دەسوەپی کەێد لە 24 مانگ کانوون یەکەم تا دوو مانگ کانوون دویەم ساڵ نووی ئایندە.