پەروەردەی عراق مەوقەی دەسکردن وە ساڵ خوەنستن نوو دیاری کەێد
شەفەق نیوز/ وەزارەت پەروەردەی عراق، ئمڕوو شەممە، دیاریکردن رووژ ١٢ی تەشرین یەکەم ئەرا مەوقەی دەسکردن وە ساڵ خوەنستن نوو راگەیان.
وەزارەتەگە لە بەیاننامەیگ رەسیە ئاژانس شەفەق نیوز وت: وەزیری عەلی حەمید دولەیمی دەسکردن وە ساڵ خوەنستن نوو لە رووژ چوارشەممە ١٢ی تەشرین یەکەم لە ساڵ ٢٠٢٢ دیاری کرد.
بەیاننامەگە لە زوان وەزیرەگە وت: گەلەیگ و نەتەوەیل وە دەروازەیل مەکتەوەیل وهۆڵەیل خوەنستن پیشکەفن و هەڵسیەن، وەبی ئەوە گەلەیل کەفنە دویا، کەفنە ژیان نەزانی ونەداری وتاریکی، و بیسەوادی بڵاو بوود، ک هیلێد ئایەم نەتوەنێد مقەیەتی لە هەر مەترسییگ بکەێد هەڕەشەی ژیان کۆمەڵگایی وئابووری و روشنهویری بیەێد.
دولەیمی وتیش: لەو وەختەگ وەزارەت پەروەردە ئامادەی خوەی کەێد ئەرا پیشوازیکردن لە نەوەیلی لە خوەنوارەیل، و وازکردن دەرەیل مەکتەوەیل تا دەسکردن وە ساڵ خوەنستن نوو ٢٠٢٢ – ٢٠٢٣ راگەینێد، هەمیش بانگواز گشت وەڕێەوبەرایەتی مەکتەوەیل و دامودەزگای فێرکردن و خوەنەواری ئەرا
سازین کەرنەڤاڵیگ پەروەردەیی ئەو ئەمانەت گەورە لەناوی بوود ک خودا خستیەسەی بان گەردنیان، لە پەروەردە و فێرکردن جەرگەیل خوەنوار و فێرخوازمان، و ئی پیشوازیکردن پەروەردەییە وە رەنگینترین شیوەیل وەپیریچگن وریزگردن ئەرا کوڕەیل خاسدان بوود.
وتیش: وەزارەت پەروەردە داوا لە کۆمەڵگای عراقی وە گشت دامودەزگایلی وباوانەیل کەێد ئەرک نشتیمانی خوەیان جیوەجی بکەن و بەشداری وەزارەتەگە بکەن وە دابینکردن ژینگەی گونجیاگ ک مسۆگەر ئارامی و رێککەفتن دەوام لە مەکتەوەیلمان بکەن، و مقەیتییان لەهەر گرفتیگ بکەن ک پایە وپەیام پەروەردەیی پیرووز بلەزنێد، و مقەیەتی پایەی مامووستا و پیرووزی ئەو پیشە بکریەێد ک وەخاتر فێرکردن نەوەیل کۆمەڵگا جیوەجیی رەنج دەن، و بیناکردن کەسایەتییان لەلایەن پەروەردە و زانست و هەمیش لەلایەن ویژدانیان تا بوونە پیاوەیلیگ ک بتوەنن خزمەت و بیناکردن وگەشەکردن وە نیشتمانیان بکەن.
وەزیر پەروەردە ئومید سەرکەفتن هەمیشەیی و وەدەسهاوردن خاسترین ئاستەیل پیشکەفرن زانستی ئەرا نەوەیلی خوازێد.
