پەروەردە دەسگیرکردن خوەنەواریگ راگەیان پەلامار وەڕێەوبەر مەکتەویگ دایە لە نەجەف
شەفەق نیوز/ وەزارەت پەروەردە، ئمڕوو جومعە، خەوردا لە دەسگیرکردن " توومەتباریگ" دەسدرویژی کردیەس وەبان وەڕێەوبەر مەکتەو لە حەنانە سەر وە پارێزگای نەجەف، باشوور وڵاتەگە.
وەزارەتەگە لە بەیاننامەیگ رەسیە ئاژانس شەفەق نیوز وت، " راپۆرتیگ پزیشکی تەواوکریایە ئەرا وەڕێەوبەر مەکتەوەگە و داوای یاسایی بەرزەوکریاس وە داوای وەزیر پەروەردە ئەرا وەڕێەوبەرایەتی گشتی پەروەدە دویەشەو ئەرا دادوەر کلکریایە".
وەزارەتەگە وتیش، " توومەتبارەگە وەلایەن دەزگایەیل ئەمنی دەسگیرکریایە ئەرا دادگا کلکریا تا سزای خوەی وەربگرێد".
لە تووڕەیل کۆمەڵایەتی رویداویگ دەسدرویژی کردن وەبان وەڕێەوبەر مەکتەو " فاتر" سەر وە وەقف شیعی عاید عەبدولساحب بڵاوکریایە لە ناوچەی حەنانەی سەر وە پارێزگای نەجەف، چوینکە خوەنەواریگ دەرکردیە لەدویای ئەوەگ دەسدرویژی کردیەسە بان مامووسایەیل، لە ئەنجام خوەنەوارەگە لە دویای دەرچگنی لە مەکتەو دەسدرویژی کەێدە بان وەڕێەوبەرەگە و قولی شکنێد.
