رویداویگ هاتوچو لەناوەین ١٠ ماشین لە بەسرە
2023-05-30T11:13:39+00:00
شەفەق نیوز/ سەرچەوەیگ لە پارێزگای بەسرە، ئمڕوو سێشەممە، خەوەردا لە رویداویگ هاتوچو ناوەین ١٠ ماشین لەناوڕاس شارەگە.
سەرچەوەگە ئەرا ئاژانس شەفەق نیوز وت: رویداویگ هاتوچو لە چواڕیان تەئمیم/ ری بەغداد مەیدان سەعەد، کەفتە ناوەین ١٠ ماشین.
وتیش؛ رویداوەگە بویە هوکار زەخمداری هەف کەس، دوویانیان زەخمیان سەختە، و بریانە خەسەخانە.
سەرچەوەگە وتیش: دەسەڵاتەیل هاتوچو لێکۆڵینەوە لە رویداوەگە واز کردن، ئەرا رەسین وە تاوانبار سەرەکی لەی رویداوە.
