رویداویگ هاتوچو کۆتایی وە ژیان بازرگانیگ و هاوڕیەگەی تیەرێد
2023-04-07T10:48:01+00:00
شەفەق نیوز/ سەرچەوەیگ ئەمنی، ئمروو جومعە، خەوەردا لە مردن بازرگانیگ دانیشتوان پارێزگای دیالە، لەوەخت گەشتیگ بازاریکردنی ئەرا هەرێم کوردستان وە رویداویگ هاتوچو لە دەوروگەرد نەینەوا.
سەرچەوەگە وە ئاژانس شەفەق نیوز وت بازرگانگە دانشتیگ ناحیەی بوهرز لە باشوور بەعقولە وەگەرد هاوڕیەگەی گیان لەدەسدانە وە رویداویگ هاتوچوی لەبان ری نەینەوا- هەولێر لەوەخت گەشت بازاریکردن بازرگانیان ئەرا هەرێم کوردستان.
سەرچەوەگە وتیش، رویداوەگە لە نزیک سریەی سوپای سەر وە عراق رویدایە بازرگان و هاوڕیەگەی ئەرا خەسخانە کلکریانە لەوەر زەخمداری سەختیگ گیان لەدەسدانە.
