رویداوەیل هاتوچو نوویگ لەبان ری زیارەتکەرەیل ناوەین کەربەلا و نەجەف گیان سێ ژن سینێد
2023-08-28T14:25:26+00:00
شەفەق نیوز/ سەرچەوەیگ ئەمنی، ئمڕوو دووشەممە، خەوەردا لە کوشیان سێ ژن وە رویداوەیلیگ تلیان لەبان ری زیارەتکەرەیل ناوەین کەربەلا و نەجەف.
سەرچەوەگە ئەرا ئاژانس شەفەق نیوز وت: ژنیگ لەناو تەمەن شەس ساڵە خەڵک پارێزگای بەسرە، لە ئەنجام رویداویگ تلیان لەبان ری زیارەتکەرەیل ناوەین کەربەلا و نەجەف گیانی لەدەسدا، و دویەتیگیش خەڵک زیقار لە تەمەن ١٣ ساڵان هەر وەوجویرە لەبان ری کەربەلا و نەجەف کوشیا.
سەرچەوەگە وتیش: دویەتیگ خەڵک نەجەف لە تەمەن ١٢ ساڵان هەمیش وە رویداویگ تلیان گیانی لەدەسدا، وتیش؛ ئەو تەرمەیلە ئەرا پزشک دادوەری بریان، تا لێکۆڵینەوەی یاسایی تەواو بکەن.
وەرجەیە، ئمڕوو دووشەممەر سەرچەوەیگ ئەمنی خەوەردا لە کوشیان و زەخمداری ٢١ ئیرانی کە ئەرا زیارەت چلەی ئیمام حسێن هاتوین، ئەوەیش وە رویداویگ هاتوچو لە پارێزگای واست.
