رویداویگ تلانن کۆتایی وە ژیان ژنیگ و 3 مناڵەیلی تیارێ لە دیالە و خوەیکوشتن ناخاڵەیگ لە موسەنا
2024-08-03T10:23:11+00:00
شەفەق نیوز/ سەرچەوەیگ ئەمنی لە دیالە، ئمڕوو شەممە، خەوەردا لە مردن ژنیگ وەگەرد سێمناڵی و زەخمداری مناڵیگ تری وە رویداو تلانن لە باکوور خوەرهەڵات پارێزگاگە.
سەرچەوەگە وە ئاژانس شەفەق نیوز وت، "ژنیگ وەگەرد مناڵەیلی رویوەروی رویداویگ تلانن بویە وە لایەن ماشینیگ خێرا مەوقەی رەدبوینیان لەبان ری موقدایە لە باکوور خوەرهەڵات دیالە".
سەرچەوەگە وتیش "لە ئەنجام رویداوەگە ژنیگ و 3 مناڵی (دوو دویەت و کوڕیگ) گیان لەدەسدان، وەگەرد زەخمداربوینسەختیگ دویەتە مناڵیگ ترەکی کە ئەرا چارەسەر کلکریا ئەرا خەستەخانە".
لەهەمان وەخت سەرچەوەیگ ئەمنی، لە موسەنا، خەوەردا لە خوەیکوشتن ناخاڵەیگ وە هەڵواسین خوەی لەناو ماڵ لە خوەرهەڵات پارێزگای موسەنا.
سەرچەوەگە وە ئاژانس شەفەق نیوز وت "ناخاڵیگ تەمەن 16 ساڵان لەناو ماڵ خوەیان خوەی کوشتیە لە قەزای وەرکا خوەرهەڵات پارێزگای موسەنا، لەری هەڵواسین خوەی" وتیش؛" هووکار خوەیکوشتنەگەی تا ئیسە نادیارە و دەزگا ئەمنیەیل لێکۆڵینەوە لە رویداوەگە وازکردنە".
