ره‌وت حكمه: خواست وازهاوردن كازمى له به‌شبه‌شايه‌تى " درووييگه "
شه‌فه‌ق نيوز/ ره‌وت حكمه باس له‌وه كرد مسته‌فا كازمى سه‌رۆك وه‌زيره‌يل راسپارياێ ئه‌را پيكهاوردن حكومه‌ت ناتويه‌نێد واز له مه‌سه‌له‌ى به‌شبه‌شايه‌تى حزبى بارێد له پروسه‌ى سياسى له دامه‌زرانن حكومه‌ته‌گه‌ى و يه‌يش ده‌رخست ك دابه‌شكردن پۆسته‌يل وه‌زاره‌يه‌گه‌ى له‌بان فراكسيۆنه‌يل هه‌ر له 2003 تائيسه نه‌ريتيگ سياسيه و وازهاوردن له‌لى درووييگه.
له‌ى باوه‌ته‌و، عه‌لى بدێرى ئه‌ندام له‌بان فراكسيۆن حكمه له باسيگ ئه‌را شه‌فه‌ق نيوز وت: بڕيگ له فراكسيۆنه‌يل سياسى له هيزه‌يل شيعه‌و سنى و كورد ئيراده‌ى خوه‌يان فه‌رز ئه‌كه‌ن له‌بان كازمى له‌وه‌ر هه‌ڵوژاردن نوێنه‌ره‌يليان له ئه‌نجومه‌ن وه‌زيره‌يل.
بدێرى هه‌ميش وت: دابه‌شكردن پۆسته‌يل وه‌زارى له‌بان فراكسيۆن و حزبه‌يل سياسى نه‌ريتيگ سياسى و جيگيره له 2003ه‌وه تائيسه و سيسته‌م په‌رله‌مانى بنه‌ماى ئى كاره داناو هان به‌شبه‌شايه‌تى دا له دامه‌زرانن حكومه‌ته‌يل و قورتاربوين له‌لى مه‌حاڵه مه‌گه‌ر وه سيسه‌ميگ سه‌رۆكايه‌تى.
