ره‌سانن ئه‌منى شيواز په‌لاماره‌گه‌ى بێجى ئاشكرا كرد
2019-12-22T09:42:42+00:00
شه‌فه‌ق نيوز/ شانه‌ى ره‌سانن ئه‌منى ئاشكراى شيواز ئه‌و په‌لاماره كرد ك دويه‌كه ئيواره له خاڵيگ سه‌ربازى سه‌ر وه پۆليس پاسه‌وان نه‌فت بێجى له پاريزگاى سه‌ڵاحه‌دين روێدا.
شانه‌ى ره‌سانن ئه‌منى له به‌ياننامه‌يگ ئه‌را شه‌فه‌ق نيوز وت: دويه‌كه ئيواره چه‌كداره‌يليگ له ريكخرياگ تيرۆريستى داعش په‌لامار خاڵيگ سه‌ربازى سه‌ر وه پۆليس پاسه‌وان نه‌فت بێجى له خه‌ت ئه‌لسه‌حل دانه‌و سه‌ربازه‌يل خاڵه‌گه‌يش له‌ليان هاتنه‌سه ده‌س و وه‌رپه‌رچيان دانه‌سه‌وه‌و تويه‌نستنه خوه‌يكوشيگ ك شاڵ مينڕيژكرياێ به‌ساوێد بكوشن، وه‌لێ له‌و رويداگه 4 پۆليس شه‌هيد بوينه.
به‌ياننامه‌گه هه‌ميش وت: دوياى ئه‌و رويداگه هيزيگ ئه‌منى ره‌سيه‌سه شوون رويداگه‌گه‌و له‌وه‌خت ئه‌نجامداين ئه‌ركه‌يليان مينيگ ته‌قيه‌سه‌وه‌و ئه‌فسه‌ريگ زه‌خمدار كردگه.
