ره‌تڵيگ سه‌ربازى ئه‌مريكى له عراقه‌و چيه باكوور سوريا
2019-12-01T08:40:05+00:00
شه‌فه‌ق نيوز/ ته‌له‌فزيۆن سوورى ئاشكراى چگن 20 شاحنه‌ى ئه‌مريكى كرد له‌ڕێ مه‌رزه‌يل عراقى سوورييه‌و ئه‌را ناو خاكه‌يل سوريا.
كه‌ناڵ سوورى له فه‌يسبوك هه‌واڵيگ بڵاو كرد و له‌تى ئاشكراى ئه‌وه كرد 20 شاحنه‌ى سه‌ر وه هيزه‌يل ئه‌مريكى له عراقه‌و چينه‌سه ناو پاريزگاى حه‌سه‌كه‌و كوومه‌ك لۆجيستى وه‌پيان بويه.
جى باسه، وه‌رجه چه‌ن رووژيگيش ره‌تڵيگ تر ك پيكهات له 20 شاحنه‌ى تر سه‌ربازى و هه‌ڵگر سه‌ياره‌ى گه‌وراى سه‌ر وه هيزه‌يل ئه‌مريكى له شار حه‌سه‌كه‌وه روێ له باشوور وڵاته‌گه كردنه له‌ڕێ شه‌دادى - ديره‌زوور.
