پەرلەمان عراق کوردیگ فەیلی ئەرا جیگر یەکەم سەرۆکی پەسەن کەێد
شەفەق نیوز/ پەرلەمانتار موحسن مەندەلاوی وە پۆست جیگر یەکەم سەرۆک ئەنجومەن نوینەرەیل عراق سەرکەفت.
پەیامنێر ئاژانس شەفەق نيوز وت: پەرلەمان لە دانیشتن ئمڕووی، وە زۆرینە دەنگ وە مەندەلاوی دا ئەرا ئی پۆستە، لە پشت حاکم زاملی لە رەوت سەدر ک دەسکیشادەو.
مەندەلاوی کورد فەیلیە، ٢٠٣ دەنگ لە ئامادەبویەیل بویە بەشی.
هەرلە پەرلەمانتار یاسر حوسەینی و پەرلەمانتار باسم خەشان لەبان ئەو پۆستە رکابەری مەندەلاوی کردن، ک یەکەمەگە ٧ دەنگ وەرگرد ودویەمەگە ١٧ دەنگ.
لەلای خوەییش، بەرهەم ساڵح سەرۆک کۆمار، پیرووزبایی لە محمد حەلبووسی کرد وە بوونەی نووەکردن بڕوایی ئەرای جویر سەرۆک ئەنجومەن نوینەرەیل، و هەمیش لە موحسن مەندەلاوی وە بوونەی هەڵوژاردنی جویر جیگر یەکەم سەرۆک ئەنجومەن نوینەرەیل.
ساڵح لە بەیاننامەیگ ئمڕوو باس دڵسووزترین ئارەزوەیلی ئەرا سەرکەفتیان لە جیوەجیکردن ئەرکەیل نیشتمانی ودەستوورییان کرد.
