پەرلەمان عراق گلەیی رەدنەکردن بازنە هەڵبژاردنەگان خەێدە بان مرافەیگ لەناوبەین ئەندامەیلی
شەفەق نیوز/ بەشیر حەداد جیگر سەرۆک ئەنجومەن نوێنەرەیل عراق، ئمڕوو جمعە، باس لە خەفەتی کرد لە ناکۆکی ومرافەی بەشیک لە پەرلەمانتارەگان لە دانیشتنەگەی چوارشەممەی گوزەیشتە، و ئاماژەکرد ک ئی کاره نەهیشت باوەت بازنە هەڵبژاردنەگان تەوەاو بوود.
بەیاننامەیگ لە نووسینگەی راگەیانن جیگر سەرۆک ئەنجومەن نوێنەران رەسیە ئاژانس شەفەق نیوز وت: حەداد هەست وە دڵگرانی کەێد لەوەر مرافەیگ لەناوبەین ژمارەیگ لە پەرلەمانتارەگان لە باوەتیگ ک توانای چارەسەركردنی وە ئارامی و گفتۆکو بریایانە بوی، و لەوە وەختەگ چەوەڕی تەواوکردن لە گفتۆکوەگان کەیمن دەربارەی بازنە هەڵبژاردنەگان لە یاسای هەڵبژاردن هاتگ ئەنجومەن نۆێنەران، بەڵکم ئەو رووادوە نەهیشت گفتوگۆەگان تەواو بوون و دانیشتەگە وەڕیەو بچوود.
بەیاننامەگە وتیش لەی قۆناغ سەختە وەهێزکردن پشتگردن نیشتمانی و تەقەلاگان ئەرا ئارامکردن خوازیمن.
حەداد داوا لە گشتی کرد، چ لە ناو گومەزی پەرلەمان یا لە دەیشتی دویرەو بکەفن لە وتار وبەیاننامە وئەو قسەیلەگ جیاوە کەن و گردەو نێەکەن، وبایەدە لە هویر نەوەیمن ک ئیمە هاوبەشیمن لە ناو ئی خاکە ، و هێزە عراقیەگان لە سوپا وپۆلیس و حەشد و پێشمەرگە خوینیان تیکڵا بویە لە سەنگەر وەرگری لە خاک و ق
پیرووزەگان، وجەنگەیل ئازادکردن هێز و ئازایی گشت پێکهاتەیل گەلەگەمان وەخوەیان دین.
