پەرلەمان عراق دانیشتن هەڵوژاردن سەرۆک کۆمار دیاری کەێد

شەفەق نیوز/ ئەنجومەن نوینەرەیل، دانیشتن دوو سوو پەنجشەممە ئەرا هەڵوژاردن سەرۆک نوو کۆمار دیاری کرد، لە سای بەرزەوبوین ناکۆکیەیل لەبان ئی پۆستە، لەلایەن دوو حزب کورد سەرەکی پارتی و یەکێتی.

محمد حەلبووسی سەرۆک پەرلەمان، لەبەیاننامەیگ ئمڕوو راگەیان ک رووژ پەنجشەممە ١٣ی تەشرین یەکەم خشتەگەی بوودە یەک کار ک هەڵوژاردن سەرۆک کۆمارە.

یەیش لە وەختیگ تیەێد ک دوو حزب کورد سەرەکی لە هەرێم کوردستان نەڕەسینە رێککەفتن لەبان یەک کاندید ئەرا ئی پۆستە، باوجی پارتی لەبان رێبەر ئەحمەد رکدارە، و یەکێتی لەبان بەرهەم ساڵح.

پارتی رخی لە دووارەبوین سیناریۆی ساڵ ٢٠١٨ چوود، هەنای پەرلەمان عراق بەرهەم ساڵح کردە سەرۆک کۆمار.