رسواییگ لە خانەقین.. فرووشتن زەوی دەوڵەت وە یەک مەلیۆن و ١٥٠ هەزار دینار
![رسواییگ لە خانەقین.. فرووشتن زەوی دەوڵەت وە یەک مەلیۆن و ١٥٠ هەزار دینار](https://media.shafaq.com/media/arcella/1627637012986.jpg)
شەفەق نیوز/ باوەت دروسکردن پڕۆژەیگ بازرگانی لە دەورگرد قەزای خانەقین ناڕەزایەتییگ جەماوەری و فەرمی وەخوەیی لەوەر مووڵەتە گومانیەیلە و ناگونجیاگ ئەو زەویە ئەرا پڕزژەگە و فرووشتنی وە نرخ موفتیگ رەسێدە بایی یەک مەلیۆن و ١٥٠ هەزار دینار.
عەلی غازی وەڕێۆبەر فەرمانگەی کۆچ و کۆچبەری ئەرا ئاژانس شەفەق نیوز وت: خەڵک خانەقین وە تیژی ناڕەزاییی لە دروسکردن تەلاریگ لە ناوچەی کنار جادەی کورنیش و فلکەی دەروازەی شارەگە (جادەی سەرای کۆن) لە پارچەی ١/١٩٤ کەن ک لە ٢٠٢٠/١٢/٢٩ وە رەوشەیل نادیار و پڕ گومان کریاگە.
ئاغا باس سەرسامی خوەی کرد ک فەرمانگەیل ئاو و ئاوری مووڵەت فەرمی وە پڕۆژەگە دانە هەرچەن وەرجەیە ئەوە رەت کردنە.
وتیش: خەڵک خانەقین ناڕەزای سەخت فەرمی خوەیان ئەرا ئیدارەی خانەقین نشان دان چوینکە ئەو پارچە زەوییە لە پەنجاکان سەدەی گوزەیشتە ئەرا فراوانکردن جادە کورنیش و دەروازەی بازاڕە کۆنەگە تەرخان کریاگە بیجگە بوری ئاو سەرەکی و ئاوەڕۆ لە ژیری هەس.
و پرسیار کرد؛ ئایا چوین وەڕێۆبەر وەرین شارەوانی خانەقین ئەو پارچە وە بانگەشەی نا ئاشکرا وە بایی یەک مەلیۆن و ١٥٠ هەزار دینار داگەسە ئەو کەسە ک خوەی موقاولە.
ئاغا هەمیش باس وەرگردن هەڕەشەیلیگ لەلایەن وەڕێۆبەر ئاوەڕۆی خانەقین کرد لەوەر رەتکردن ئەو پڕۆژە ک زەرەد وە بەرژەوەنی گشتی ئەرا شار خانەقین دەێد.