رزگاربوین گەورەی هووزەیل حەیاتیە لە ٢٥ گولە لە بەسرە
2023-05-04T08:44:09+00:00
شەفەق نیوز/ شێخ محمد حەیاتی شێخ گشتی هووزەیل حەیاتیە، وەڕیەوبەر نویسینگەی سەروەخوەیی هووزەیل فاو، ئمڕوو پەنجشەممە، رزگاربوینی لە تەقەلای کوشتنی وە پەلاماریگ چەکدار لە شار بەسرە راگەیان.
حەیاتی ئەرا ئاژانس شەفەق نیوز وت: دوو کەس وە کووڵ ماتۆرسکڵیگ، دویەشەو وەخت زوویگ، پەلامار ماڵەگەم دان، و وە ٢٥ گولە لە چەک کلاشینکۆف گولەوارانی کردن.
وتیش؛ تا ئیسە هویچ هەڕەشەیگ هووزانە وەپی نەڕەسیە، و هویچ پەیوەندییگ وە لایەنەیل سیاسی پارێزگاگە نەیرێد، و دیاری کرد ک نویسینگەی هووزەیل فاو دەیان دەمچەرمگ لە ناوچەگە هاناوی.
هەمیش وت: ساکاڵا لەلای بنکەی پولیس ناوچەگە توومار کردیمن، و چەوەڕی کەیمن تاوانکارەیل ئاشکرا بکەن.
