رزگاربوین چالاکاوانیگ لە هەوڵدان کوشتنی لە باشوور عراق

شەفەق نیوز/ وەچەودیەلیگ، ئمڕوو شەممە، خەوەردان ک چالاکاوانیگ مەدەنی لە ناڕەزایەگان کەفتە وەر هەوڵدان کوشتنیگ لە پارێزگای دیوانیە لە باشوور عراق.

وەچەودیەگان ئەرا ئاژانس شەفەق نیوز وتن: چەکدارەیلیگ نەناسریاگ کەفتنە شوون ماشینەگەی چالاکاوان حوسام عابدی، و توێنست لەدەسیان بواێد وەرەو ماڵەگەی خوەی لە قەزای شامیە لە دیوانیە.

وەچەودیەگان وتنیش؛ چەکدارەگان تەقە وەرەو ماشینەگە وماڵەگە کردن، و رووداوەگە تەنیا زەرەدەیلیگ دارایی لە ماشینەگە و روی ماڵەکە کرد.