رزگارکردن نزیکەی ٧٠ زیارەتکەر بیگانە لە هیزگردن ئاگر لەناو حسێنیەیگ لە کەربەلا.. وینە و ڤیدیۆ
2024-08-21T11:37:26+00:00
شەفەق نیوز/ وەڕیەوبەرایەتی وەرگری شارستانی، ئمڕوو چوارشەممە، رزگارکردن نزیکەی ٧٠ زیارەتکەر لە رەگەزنامەیل جیاجیا راگەیان، دویای کپەوکردن ئاگریگ لەناو بینایگ هەفت قاتی کە کریاسە حسێنیە لە کەربەلا.
وەڕیەوبەرایەتیەگە لە بەیاننامەیگ وت: تیمەیل وەرگری شارستانی کەفتنە ئامادەباشی و وەکوتپڕ رەسینە شوین رویداوەگە، کە دەسکریا رزگارکردن زیارەتکەرەیل وەگەرد تەقەلای کپەوکردن ئەو ئاکرە کە لە قات دویەم هیز گرد، کە کریاسە شوین ئاشکردن.
وتیش: تیمەیل نەخمدارە سەختەیل ئەرا خەسەخانەی حسێن لە پارێزگاگە کلکردن، و کار کپەوکردن و سەردەوکردنیش وەیی زەرەد مرۆیی تەواو کردن.
