رزگارکردن دویەتیگ خوازیە خوەی لەبان پیەڵیگ لە بەغداد بخەێدە خوار
2022-06-29T08:29:37+00:00
شەفەق نیوز/ سەرچەوەیگ ئەمنی، ئمڕوو چوارشەممە، خەوەردا لە رزگارکردن دویەتیگ تەقەلا دایە خوەی لەبان پیەڵ ئەیمە لە بەغداد پایتەخت بخەێدە خوار تا خوەی بکوشێد.
سەرچەوەگە ئەرا ئاژانس شەفەق نیوز وت: هیزیگ ئەمنی توەنست دویەتیگ رزگار بکەێد، تەقەلا دایە خوەی لەبان پیەڵ ئەیمە بخەێدە چم تا خوەی بکوشێد.
سەرچەوەگە وتیش: دویەتەگە ئەرا بنکەیگ پۆلیس بریا تا ریکارەیل جیوەجی بکەن.
