رزگارکردن ١٠ خانمە کریکار بیگانە لە ئاگر گەورەیگ لەناو "حسێنیەیگ" ناوڕاس بەغداد.. وینە و ڤیدیۆ
2023-03-04T07:54:28+00:00
شەفەق نیوز/ وەڕیەوبەرایەتی وەرگری شارستانی، ئمڕوو شەممە، رزگارکردن ١٠ خانمە کراکار خاوەن رەگەزنامەی بیگانە، لەناو ئاگر گەورەیگ لە حسێنیەیگ ناوڕاس بەغداد پایتەخت راگەیان.
لە بەیانامەیگ رەسیە ئاژانس شەفەق نیوز وت: تیمەیل وەرگری شارستانی توەنستن دە خانمە کراکار لە رەگەزنامەیل جیاجیا رزگار بکەن، ک لەناو ژووریگ کلیلدریاگ بوینە لە مەوقەی کپەوکردن ئاگر گەورەیگ لەناو حسێنیەی حاجە سعدە لە ناوچەی کەڕادە لەشان هوتێل بابل ناوڕاس بەغداد.
دیاری کرد ک تیمەیلی ئاگرەگە گیر هاوردن و چینە ناو بینای حسێنیەگە ک سزیاگە، و توەنستن ئەو خانمەیلە درارن دویای ئەوەگ ناچار بوین دەرەیل بشکنن، و کۆتایی وە رویداو ئاگرەگە هاوردن، وەبی توومارکردن زەرەدەیل مرۆیی، و لێکۆڵینەوە ئەرا رەسین وە بندروس رویداوەگە واز کردن.
