گردن شەش تیرۆرست لە چوار شار عراقی سەرکردەیگ هاناویان
شەفەق نیوز/ قسەکەر وەناو موستەفا کازمی فەرماندەی گشتی هێزە چەکدارەگان، ئمڕوو شەممە، راگەیان دەسگیرکردن شەش تیرۆرست لە چوار پارێزگای عراق لەناویان یەکیگ لە سەرکردەیل داعشە.
لیوا یەحیا رەسول لە بەیاننامەیگ رەسیە ئاژانس شەفەق نیوز وت: دەزگای دژە تیرۆر دەس کردە ئەرکەیلیگ ئەمنی لە پارێزگایلیگ جووراجور، و دیاری کرد ک ئەندامەیل دەزگاگە دەس کردنە یەکەم ئۆپراسیۆنەگە لە پارێزگای کەرکوک، و قەزایل داقوق ئیجا حەویجە گردوە، و لەناوی دوو کەس لە ریخریاگ داعش دەسگیر کریان.
وتیش؛ دوویەم ئۆپراسیۆنەگە لە قەزای شەرقات سەروە پارێزگای سەڵاحەدین جیوەجی کریا، و لەناوی یەک تیرۆرست تر لە لایەنگرەیل ریخریاگ داعش دەسگیر کریا.
و دیاری کرد ک سێیەم ئۆپراسیۆنەگە لە پارێزگایل ئەنبار و بەغداد لە ناوچەیل گوڕمە وتاجی و ناوەند پارێزگای بەغداد جیوەجی کریا، و لەناوی دوو ئەندام و سەرکردەیگ لە چەتەیل داعش تیرۆرست دەسگیر کریان.
قسەکەرە سەربازیەگە دووپات کرد ک ریکارە یاساییەگان وەدژیان بریان.
