گردن دوو تیرۆرست لە بەغداد کوشتاریگ لەناو خەسەخانەیگ کردنە

گردن دوو تیرۆرست لە بەغداد کوشتاریگ لەناو خەسەخانەیگ کردنە
2020-12-13T09:46:57+00:00

شەفەق نیوز/ ئاژانس هەواڵگری، ئمڕوو یەکشەممە، خەوەردا لە دەسگیرکردن دوو کەس لە ریخریاگ داعش لە یەکیگ لە گەرەکەگان بەغداد پایتەخت، و ئاماژە کرد ک هەردوگیان توومەتبارن وە بەشداربوینیان لە کوشتاریگ دژوە کەسەیلیگ لەناو خەسەخانەی جەمهوری لە پارێزگای نەینەوا.

ئاژانسەگە لە بەیاننامەیگ رەسیە ئاژانس شەفەق نیوز وت: مەفرەزەگانی لە وەڕێۆبەرایەتی هەواڵگری پۆلیس فیدڕاڵی لە وەزارت ناوخۆ توێنستن دوو تیرۆرست لەناوچەی حەی جیهاد لە بەغداد دەسوەسەر بکەن ک وەگورەی مادەی ٤ تیرۆر داواکریانە، لەوەر لایەنگرییان ئەرا داعش.

بەیاننامەگە دیاریکرد ک دوو توومەتبارەگە لە مەفرەزەی ئەبو لودەیس ئەنساری وەنازناو ئەبو حاتەم و ئەبو عناد کار کردنە، ک بەشداربوینە لە جیوەجیکردن وەسێدارەدان دژوە هاووڵاتیە بیگوناحەگان لەناو خەسەخانەی جەمهوری لە پارێزگای نەینەوا.

هەمیش بەشداری کردنە لە کارەیلیگ تیرۆری دژوە هێزە ئەمنیەگان و بارکردن هاووڵاتییەگان لەوەخت کۆنتڕۆڵکردن ریخریایەگە لەبان پارێزگاگە، و قسەیلیان واژوو کریا و  بەندینیان کریا تا لێکۆڵینەوەگان وەرانەوریان تەواو بوون.

Shafaq Live
Shafaq Live