ئیران دووارە کارەبای دیالە زنیەو کەێد
2023-07-13T14:02:03+00:00
شەفەق نیوز/ سەرچەوەیگ حکومەتی لە دیالە، ئمڕوو پەنجشەممە، خەوەردا لە خاسەوبوین ساعەتەیل بەشەوکردن کارەبا لە پارێزگاگە وەماوەی ٤٨ ساعەت گوزەشتە، دویای گلەوخواردن کڕەیل ئیرانی ئەرا کارکردن و گلەوداین تەکان گاز وەرەو ویستگەی کارەبای سەرەکی.
سەرچەوەگە ئەرا ئاژانس شەفەق نیوز وت: کڕەیل دیالە - میرساد و کڕ خانەقین - سەرپڵ زەهاب دویای بڕیان ئەرا چەن رووژیگ لەوەر گیچەڵ دارایی ناوەین عراق و ئیران داووارە کەفتنە کار.
سەرچەوەگە ک وەرپرسە لە کەرت کارەبا و رازی نەوی ناو خوەی ئاشکرا بکەێد، وت: ویستگەی گاز مەنسووریە دووار کەفتە کار وە ریژەی بەرهەمکردن ٥٤٠ میگاوات لە بڕ هاز کارەبای ک رەسێدە ٧٥٠ میگاوات دویای گلەوداین گاز ئیرانی، ک وەی دویاییە لەوەر گیچەڵ دارایی لەوەر سزای ئەمریکا لەبان ئیران لەکار وسیا.
سەرچەوەگە وتیش: ئیرنگە ریژەی بەشەوکردن کارەبا لە دیالە رەسێدە ١٦- ١٨ ساعەت لە گشت یەکەیل ئیداری.
