گیچەڵ کڕ ئیرانی کارەبا لە دیالە کەمەو کەێد
2023-05-29T11:41:01+00:00
شەفەق نیوز/ گیچەڵەیل کڕ کارەبای ئیران، زیان خەڵک پارێزگای دیالە دووارەو کرد، لە بەدی و کەمی کارەباگە.
سەرچەوەیگ لە وەڕیەوبەرایەتی کۆنتڕۆڵکردن و بەشەوکردن لە وەڕیەوبەرایەتی کارەبای دیالە ئەرا ئاژانس شەفەق نیوز وت: بەش دیالە لە کڕ میرساد ئیرانی لە ٤٠٠ میگاوات ئەرا کەمتر لە ٣٠٠ میگاوات هاتە خوار، لەوەر کەمی تەکان گاز ئیرانی، ک عراق ئەرا وەکارخستن ویستگەیل کارەبا هاوردەی کەێد.
دیاری کرد ک بەش دیالە لە کڕ میرساد وە رێژەی ٣٠٪ داوەزیا، وەگەرد داوەزیان بەش پارێزگاگە لە سیستەم نیشتمانی دویای داوەزیان تەکانەیل گاز ئەرا ویستگەیل کارەبا.
و لەوەر گیچەڵ گاز و بەرهەمکردن، کارەبا لە رووژیگ ٢٠ ساعەت هاتە رووژیگ ١٤-١٦ ساعەت، لە گشت پارێزگای دیالە.
دیالە کارەبا لە دوو کڕ لەلای ئیرانەو هاوردە کەێد، یەکەم لە کڕ دیالە میرساد ٤٠٠ میگاوات، و دویەم لە کڕ خانەقین سەرپڵ زەهاب ١٥٠ میگاوات.
