رافده‌ين له‌وه‌ر وه‌پيداين سلفه وه كارمه‌نده‌يل ده‌وڵه‌ت ئاسانكارى فريه‌يگ ئه‌كا
2019-12-15T08:46:05+00:00
شه‌فه‌ق نيوز/ بانك رافده‌ين ئاشكراى ئه‌وه كرد و وت: ئه‌و ئاسانكاريه ك دانرياگه ئه‌را وه‌پيداين سلفه وه كارمه‌نده‌يل ده‌وڵه‌ت وه شيوه‌يگ ئه‌لكترۆنى و ئه‌را ئه‌وانه‌گ مووچه‌يليان جيگيره له‌لاى بانكه‌گه ك ها ناونى ( 5 و10 و 15 و 20 و 25 ) مليۆن دينار له‌يوا كردگه وه‌رگرتنى وه‌خت فريه‌يگ نه‌كيشێد.
له‌ى باوه‌ته‌و، نويسينگه‌ى ره‌سانن بانكه‌گه له به‌ياننامه‌يگ ئه‌را شه‌فه‌ق نيوز وت: ماوه‌ى وه‌رگرتن ئه‌و سلفه شايه‌ت بڕه‌سێده هه‌فته‌يگ يا كه‌متر، ئه‌ويش وه‌گووره‌ى ئه‌نجامداين رێ وشوون بانكه‌گه.
جى باسه، به‌ياننامه‌گه هه‌ميش وت: ئه‌را وه‌رگرتن سلفه‌گه بايه‌يه له‌ڕێ ئه‌لكترۆنى و لقه‌يل بانكه‌گه‌وه بدێ له به‌غدا و پاريزگايه‌يل و مه‌سه‌له‌ى پڕه‌وكردن فايليش ئه‌را وه‌رگرتنى ته‌نيا په‌نج ده‌قه ئه‌كيشێد له لقه‌يل بانكه‌گه.
