رافده‌ين جووره‌يل قه‌رز ئه‌را سه‌ندن يا خاسه‌وكردن يه‌كه‌يل نيشه‌جێ ده‌سنيشان كرد
شه‌فه‌ق نيوز/ بانك رافده‌ين جووره‌يل ئه‌و قه‌رز و سلفه ده‌سنيشان كرد ك ئه‌ياده‌ى كارمه‌ند و هاووڵاتيه‌يل و خوه‌ى له‌ناونى سلفه‌ى شه‌خسى يا سه‌ندن يه‌كه‌يل نيشه‌جێ يا خاسه‌وكرد و يا بنياتناين زياتر ديه‌سه‌و.
نويسينگه‌ى ره‌سانن بانكه‌گه له به‌ياننامه‌يگ ئه‌را شه‌فه‌ق نيوز وت: ئه‌و خزمه‌تگوزاريه‌يله ك بانكه‌گه پيشكه‌شى وه هاووڵاتيه‌يل و كارمه‌نده‌يل ئه‌كا پيكهاتگه له‌يانه:
1- قه‌رزه‌يل يه‌كه‌ى نيشه‌جى وه بڕ 100 مليۆن دينار ئه‌را كارمه‌نده‌يل و 50 مليۆن دينار ئه‌را هاووڵاتيه‌يل وه كه‌فاله‌ت كه‌فيليگ زامنكار ك مووچه‌ى جيگيره له‌لاى بانكه‌گه.
2- قه‌رز بنياتكردن وه هاووڵاتيه‌يل وه بڕ 50 مليۆن دينار دوياى پيشكه‌شكردن تاپوو ئه‌و زه‌ويه ك ديرێده‌ى وه‌و مه‌رجه روێ وه‌ره‌گه‌ێ 200 مه‌تر بدێ.
3- سلفه‌ى كارمه‌نده‌يل ده‌وڵه‌ت ك مووچه‌يليان جيگيره له‌لاى بانكه‌گه ك بڕ 25 مليۆن وه‌پيان ئه‌دريه‌ێد.
4- قه‌رز ئه‌را خاسه‌وكردن ماڵ و خانگ يا زيايكردن بنيايه وه بڕ 30 مليۆن دينار وه هاووڵاتيه‌يل و 50 مليۆن دينار ئه‌را كارمه‌نده‌يل.
5- قه‌رز به‌سمايه وه‌بى كه‌فيل.
