رافده‌ين ئه‌و شوونه‌يله ديارێ ئه‌كا ئه‌كه‌فنه وه‌ر قه‌رزه 100 مليۆنيه‌گه
شه‌فه‌ق نيوز/ بانك رافده‌ين ئاشكراى ئه‌و كۆمه‌ڵگايه‌يل وه‌به‌رهاوردن نيشته‌جيكردنه كرد ك ئه‌كه‌فنه وه‌ر قه‌رزه‌يل 100 مليۆن ديناره‌گه ئه‌را سه‌ندن يه‌كه‌ى نيشته‌جێ له‌تيان.
له‌ى باوه‌ته‌و، نويسينگه‌ى ره‌سانن بانك رافده‌ين له به‌ياننامه‌يگ ئه‌را شه‌فه‌ق نيوز وت: بانكه‌گه ناو ئه‌و كۆمه‌ڵگايه‌يل نيشته‌جيكردنه ك ئه‌كه‌فنه وه‌ر قه‌رز 100 مليۆن ديناره‌گه ئه‌را كارمه‌نده‌يل ديارێ كردگه وه‌تايبه‌ت ئه‌و كارمه‌نده‌يله ك مووچه‌يليان جيگيره له‌لاى بانكه‌گه‌و بڕ 50 مليۆن ئه‌را هاووڵاتيه‌يل له‌وه‌ر سه‌ندن يه‌كه‌يل نيشه‌جێ.
به‌ياننامه‌گه هه‌ميش وت: ئه‌و كۆمه‌ڵگايه‌يل نيشته‌جيكردنه گشت مه‌رجه‌يليگ ياسايى له‌تيان وجوود ديرێد ك قه‌رز ئه‌رايان ئه‌دريه‌ێد له‌وه‌ر سه‌ندن يه‌كه‌ى نيشته‌جێ له‌تيان و پيكهاتنه له(كۆمه‌ڵگه‌ى بابل له پاريزگاى بابل- كۆمه‌ڵگه‌ى ئه‌لعه‌زيز له ناسريه - كۆمه‌ڵگه‌ى جه‌به‌ل عامل له ديوانيه - كۆمه‌ڵگه‌ى ئه‌مه‌ل له به‌سره - كۆمه‌ڵگه‌ى ئسكان ئه‌لدۆحه له موسه‌نا).
