رافده‌ين ئاماژه وه سه‌رپيچيه‌يليگ كرد له رينمايه‌يل دابه‌شكردن مووچه‌ى كارمه‌نده‌يل
شه‌فه‌ق نيوز/ بانك رافده‌ين ئاشكراى ئه‌وه كرد بڕيگ له ده‌زگايه‌يل پتاقه‌ى ماسته‌ر كار ديرن و له‌رێ دابه‌شكردن ده‌سييه‌وه مووچه دابه‌ش ئه‌كه‌ن ك يه‌يش چه‌واشه‌ى مه‌رج و رينمايه‌يله.
له‌ى باوه‌ته‌و نويسينگه‌ى ره‌سانن بانك رافده‌ين له به‌ياننامه‌يگ ك شه‌فه‌ق نيوز ئاگادارى بوێ، داوا له‌و ده‌زگايه‌يله كرد مووچه‌ى مانگانه‌يان وه ئه‌لكترۆنى و له‌ڕێ ماسته‌ر كارد دابه‌ش بكه‌ن و ئاماژه وه‌يه‌يش كرد رينمايه‌يل و مه‌رج لايه‌نه‌يل په‌يوه‌نديدار جه‌خت له‌بان ئه‌وه ئه‌كه‌ن ك دابه‌شكردن مووچه وه شيواز ئه‌لكترۆنى بدێ نه‌ك وه ده‌س.
جى باسه، باس له‌وه‌يش ئه‌كريه‌ێد بانك رافده‌ين زويتر له‌وه‌ختيگه‌و ڤايرۆس كۆرۆناى تازه بڵاو بويه‌سه‌و، ئاشكراى ئه‌وه كردگه ك بايه‌سه دابه‌شكردن مووچه‌ى كارمه‌نده‌يل و ئه‌وانه‌گ له كه‌رت گشتى كار ئه‌كه‌ن وه شيوه‌يگ ئه‌لكترۆنى بدێ.
