رافده‌ين 50 مليۆن قه‌رز ئه‌ياده كارمه‌نده‌يل و 30 مليۆن وه هاووڵاتيه‌يل ئه‌را ئى كاره
2020-02-13T08:43:29+00:00
شه‌فه‌ق نيوز/ بانك رافده‌ين ئاشكراى ئه‌وه كرد ئه‌و قه‌رزه ك ديارى كرياگه ئه‌را ئه‌وه‌گ بدريه‌ێده كارمه‌نده‌يل و هاووڵاتيه‌يل له‌وه‌ر خاسه‌وكردن و بنياتناين ماڵ بڕ 50 مليۆن ديناره ئه‌را كارمه‌نده‌يل و بڕ 30 مليۆن ديناريش ئه‌را هاووڵاتيه‌يل.
له‌ى باوه‌ته‌و، نويسينگه‌ى ره‌سانن بانكه‌گه له به‌ياننامه‌يگ وت: ماوه‌ى داينه‌وه‌ى ئه‌و بڕه قه‌رزه 10 ساڵه‌و ئاماژه وه‌يه‌يش كرد داواكارى ئه‌را وه‌رگرتن ئه‌و قه‌رزيشه وه‌گووره‌ى روقعه‌ى جوگرافى ئه‌دێ وه پشت به‌سانن وه مه‌وقع ئه‌و عه‌قاره ك قه‌رزه‌گه ئه‌راى ديارى ئه‌كريه‌ێد.
