رازی نەویە بوودە دەزویرانی… کابرایگ دویەتیگ کوشێد لە باشوور خوەرهەڵات بەغداد
2024-06-20T14:45:17+00:00
شەفەق نیوز/ سەرچەوەیگ لە پۆلیس ناوخوەیی، ئمڕوو پەنجشەممە، خەوەردا لە کوشیان دویەتیگ وەبان دەس کەسیگ لە باشوور خوەرهەڵات بەغدای پایتەخت.
سەرچەوەگە وە ئاژانس شەفەق نیوز وت، کەسیگ دویەتیگ لە داڵگبوی 2003 کوشتیە لە ناوچەی "کرغولیە" لە شار نەهرەوان باشوور خوەرهەڵات بەغداد.
سەرچەوەگە وتیش؛ هووکار ناکۆکیەگە لەوەر ئەوەگ بویە دویەتە قوربانیەگە رازی نەویە شوی وە بکوشەگە بکەێد، دیاریکرد، هێزەیل ئەمنی تاوانبارەگە دەسگیرکردن وەرجە ئەوەگ بواێد.
