ئەرا یەکەمین جارە.. کازمی گڕ خوەێدە ناو خۆپیشاندەرەیل وپەیمان وەجیهاوردن داواکاریەیلیان دەێد

ئەرا یەکەمین جارە.. کازمی گڕ خوەێدە ناو خۆپیشاندەرەیل وپەیمان وەجیهاوردن داواکاریەیلیان دەێد
2020-08-05T17:05:59+00:00

شەفەق نیوز/ موستەفا کازمی سەرۆک وەزیران، چوارشەممە، سەردانیگ کرد ك یەکەمین جارە وەی جوورە وە گڕ خواردن لەناو خۆپیشادەرەگان لە ناوڕاس بەغداد پایتەخت، وپەیمان دا ئه‌را وەجیهاوردن داواکاریەگانیان.

بەیاننامەیگ لە نووسینگەی کازمی رەسیە ئاژانس شەفەق نیوز وت: سەردان بڕیگ لە گەنجە خۆپیشاندەرەگان کرد لە دەرچگەیل کۆلێژ وپەیمانگەگان لە شوون خۆپیشاندان و مانگردنیان، و گووش گرد لە داواکاری و قسەیلیان.

کازمی پەیمان دا وە جیوەجیکردن گشت داواکاریه‌ یاساگانیان، و ئەرایان ئاشکرا کرد ک حکومەتەگە کەفتیەسە وەر گرفتەیل کەڵەکە کریاگیگ، لەوەر ساڵەیلیگ لە بەد ئیدارەیی و بەد رەفتاری لە بڕیار، ولەدەسداین دەرفەتەیل ئەوزەڵی، بیجگە نەوین پلانەیل دریژ ماوە.

وتیش: سەختیەگان لە روی حکومەتەگە سەختیەیل گەورایگن، وگشت داواکاریەگاندان ماف یاسایی و دەستوریە، بەڵکم بڕ کارە داواکریایەگە و رەنجەگە ک بایەسە بیریەێد گەورایە، وەلی پەکمان نێخەن.

کازمی ئاماژەدا ک ئەو گامەیلە حکومەت دانادەی لە گیرهاوردن گەندەڵی، وسزاداین خراوەکارەیل، و خاسەوکردن ری وەڕێوبردنەگە، گشتی بوودە هووکار خاسیگ لەبان رەفتار دەوڵەتەگە و دەزگا حکومەتیەگە.

هەمیش وت: داواکاریەیل ناڕازیه‌گان لە گشت شوونەیل عراق وەتەواوی گریەبەسە وە بەڕنامەی چاکسازی ک حکومەتەگە ناگەسەی.

Shafaq Live
Shafaq Live