ئەرا یەکەم جارە.. عراق هاوردەی ماسی سەلەمون تورکی کەێد
2021-09-08T07:04:28+00:00
شەفەق نیوز/ یەکێتی هەناڕدەکارەیل خوەرهەڵات دەریای سیا لە تورکیا، ئاشکرای هاوردەی عراق ئەرا یەکەم جاری لە ماسی سەلەمون تورکی.
وەگورەی بەیاننامەی یەکێتیەگە؛ هەناردەیل ناوچەی خوەرهەڵات دەریای سیا لە باکوور تورکیا، لە ماسی سەلەمون لە ماوەی یەکەم ٨ مانگ لەی ساڵە لە ١٠٢ مەلیۆن دۆلار رەد کرد.
وتیش؛ رووسیا لە نوای لیست وڵاتەیل هاوردەی سەلەمون تورکی بوی وە ٨٤ مەلیۆن و ٥٧٣ هەزار و ٤٧٧ دۆلار، ئیحا ڤێتنام وە ٨ ملیۆن و ٨٥٨ هەزار و ٨٧٥ دۆلاێ، ئیحا یابان وە ٣ مەلیۆن و ١٤٦ هەزار و ٧٩٥ دۆلار.
وتیش؛ عراق ئەرا یەکەم جارە لە بازاڕەیل جەزائیر و دانیمارک و ئوردن و ئیمارات بەرهەمە تورکیەگە هاوردە کرد.
