ئەرا سێیەم رووژ وەرەو داوەزین نرخ دۆلار لە بەغداد و کوردستان
شەفەق نیوز/ ئمڕوو دووشەممە ٤ کانون دوویەم ٢٠٢١ ، نرخ دۆلار لە بازاڕەگان بەغداد وهەرێم کوردستان داوەزیا.
پەیامنێر ئاژانس شەفەق نیوز وت: بۆڕسەی کیفاح ناوەندی ئمڕوو، ١٤٣٥٠٠ دینار عراقی وەرانوەر ١٠٠ دۆلار ئەمریکی تۆمارکرد، و بۆڕسەی حارسیە هەمیش خود نرخەگە تۆمار کرد.
دوێەکە یەکشەممە، نرخ دۆلار لە بۆڕسەی کیفاح رەسیە ١٤٤٠٠٠ دینار وەرانوەر ١٠٠ دۆلار ئەمریکی.
و ئەیە سێیەم رووژە لە وەردەوامبوین داوەزین لە نرخ دۆلار ک وەرجەیە رەسیە ١٤٤٨٠٠ دینار وەرانوەر ١٠٠ دۆلار.
پەیامنێرەگەمان ئاماژەدا ک نرخ فرووشتن و سەنەین لە بازاڕە ناوخۆیەگان لە بەغداد هەمیش داوەزیا ک نرخ فرووشتن رەسیە ١٤٤٥٠٠ دینار عراقی، ونرخ سەنین رەسیە ١٤٢٥٠٠ دینار وەرانوەر ١٠٠دۆلار ئەمریکی.
لە هەولێر پایتەخت هەرێم کوردستان نرخ دۆلار هەمیش داوەزین وەخوەی دی ک نرخ فرووشتن رەسیە ١٤٤٠٠٠ دینار وەرانوەر ١٠٠ دۆلار، و سەنین بویە ١٤٣٥٠٠ دینار وەرانوەر ١٠٠ دۆلار ئەمریکی.
