ئەرا سێیەم رووژ لەشوینیەک.. زەویلەرزە دەێد لە باشوور شرقات

شەفەق نیوز/ کەسەی کەشناسی و زەویلەرزەناسی عراق، ئمڕوو یەکشەممە، راگەیان کە زەویلەرزەی نوویگ وەتونی 2.8 پلە لەبان پەیمانەی ریختەر داد لە قەزای شرقات باشوور پارێزگای سەڵاحەدین.

دەسەگە لە بەیاننامەیگ رەسیە ئاژانس شەفەق نیوز وت: روانگەی زەویلەرزە، ئیوارەی ئمڕوو، زەویلەرزەیگ توومار کرد، وەدویری نزیکەی 4كم لە خوەرئاوای ناحیەی "زويە" لە پارێزگای سەڵاحەدین، و خەڵکەکە لەلی ئاگادار بوین.

دەسەگە داوا لە هاوڵاتیەیل کرد دویر بکەفن لە تووڕەیل دروو و پابەندبوین وە تەمەیل زەویلەرزە.

پیرەکە جمعە، روانگەیل زەویلەرزە لە پارێزگای سەڵاحەدین، زەویلەرزەیگ وەدویری  30كم لە قەزای شرقات توومار کردن وەتونی 4.5 درجة، و زەویلەرزەیگ ترەک وەدویری 17كم وەرەو باشوور، وەتونی  3.7 پلە، کە لە ئاست سروشتیە لە زەویلەرزەیل.