ئەرا سێیەم رووژ لەبان یەک.. ئارامگرتن نرخ تەڵا لە بازاڕەیل عراق
2022-04-02T10:59:48+00:00
شەفەق نیوز/ نرخ تەڵای بیگانە و عراقی لە بازاڕە ناوخۆیەیلەی، ئەرا سێیەم رووژە لەبان یەک، ئمڕوو شەممە ٢ نیسان ٢٠٢٢ ، ئارام گرێد.
پەیامنێر ئاژانس شەفەق نيوز وت: نرخ فرووشتن یەک مسقاڵ عەیار ٢١ تەڵای خەلیجی و تورکی و ئەوروپی لە بازاڕەیل بڕ فرووشتن لە جادەی نەهر بەغدای پایتەخت رەسیە ٣٩٣ هەزار دینار، و نرخ سەنینی رەسیە ٣٨٩ هەزار دینار.
پەیامنێر ئاژانسمان وتیش: نرخ فرووشتن یەک مسقاڵ عەیار ٢١ لە تەڵای عراقی هەمیش جیگر بۊ لەپای ٣٥٣ هەزار دینار و نرخ سەنینی رەسیە ٣٤٩ هەزار دینار.
لەباوەت نرخ تەڵا لە دوکان زەرەنگەریلە، نرخ فروشتن یەک مسقاڵ تەڵای خەلیجی عەیار ٢١ هالە ناونی ٣٩٥ هەزار دینار و ٤٠٥ هەزار دینار، و نرخ فرووشتن یەک مسقاڵ تەڵای عراقی هالە ناونی ٣٥٥ هەزار دینار و ٣٦٥ هەزار دینار.
