ئەرا سێیەم رووژ.. داوەزین فرووشتنەیل بانک ناوەندی عراقی
![ئەرا سێیەم رووژ.. داوەزین فرووشتنەیل بانک ناوەندی عراقی](https://media.shafaq.com/media/arcella/1615974356991.jpeg)
شەفەق نیوز/فرووشتنەیل بانک ناوەندی عراقی لە پارەی گران، ئمڕوو چوارشەممە، ئەرا سێیەم رووژ داوەزین وەرێژەی ٣١ لەسەد تۆمار کرد، تا بڕەسێدە ٣٢ مەلیۆن دۆلار.
پەیامنێر ئاژانس شەفەق نیوز وت: بانک ناوەندی عراقی لە بانگەشەی فرووشتن وسەنین پارە بیگانەکان ئمڕوو، داوەزین لە فرووشتنەکانی وەڕێژەی ٣١،٧١٪ وەخوەی دی، تا بڕەسێدە ٣٢ مەلیۆن و ٨٢٧ هەزار دۆلار، بانکەگە وە نرخ ١٤٦٠ دینار ئەرا هەر یەک دۆلار پووشادەی، وە بەراوردی وەگەرد دوێەکە سێشەممە ک فرووشتنەکانی رەسیە ٤٨ مەلیۆن و ٦٧ هەزار دۆلار.
وتیش؛ گشت فرووشتنەکان ئەرا پاڵپشتی بنمایەکان لە دەیشت وەشیوەی هەواڵە و چەک چگن، وهیچ دۆلاریگ وە شیوەی کاش نەسەنیا.
پەیامنێرەگەمان ئاماژە کرد ک ٦ بانک داواکاریەیل پاڵپشتی بنمایەکان لە دەیشت جیوەجی کردن.