راپۆرتیگ هەژمار قوربانیەیل پۆلیس لەعراق دویای ٢٠٠٣ کەێد
شەفەق نیوز/ لەلای کەمەو ١٤ هەزار پۆلیس عراقی لە مەوقەی ئەنجامدان ئەرک لە وەخت رمانن رژیم سەدام حسێن لە ئادار ٢٠٠٣ تا ئیسە لە پەلامارەیلیگ لەلایەن ریخریاگ داعش بوینەسە قوربانی، وەگورەی راپۆرتیگ ک ماڵپەڕ "The Conversation" ئوسترالی بڵاوی کرد.
لە رووژ ٢٢ نیسان لە ساڵ ٢٠٢١ دەوریەیگ پۆلیس لەمەوقەی تەقینەوەی بومبیگ دانریاگ لەبان سوپا لە ناوچەی وەقف لە بەعقوبە، ک بویە هووکار کوشتن سەربازیگ و زەخمداری سێیان تر، پیاوەیل پۆلیس کەفتنە وەر تەقەکردن و بومبیگ دانریاگ تر، بویە هووکار کوشتن شەش پۆلیس، ئەفسەریگ لەناویان بوی، و دووان تر زەخمدار بوین یەکیگیان نەقیب بوی.
راپۆرتەگە باس کەێد ک کەسەیلیگ لە پۆلیس لە تەقەکردن و پەلامارەیل وە ماشین تەقینەو کریاگ و خوەیکوشەیل و وەسێدارەدان لەلایەن تیرۆرستەیل بوینە قوربانی.
و نشان دەێد ک ئەندامەیل پۆلیس لە خاڵە وەشکینەکان و لە دەوریەیل جادەیل، کەفتنە وەر پەلامارەیل، و هەنای بومبەیل پویچەڵ کەن و هەنای چنە ناو ماڵەیلیگ تەقینەو کریاگ و هەمیش کەفنە تەقەکردن راستەخۆ وەرانەوەر تیرۆرستەیل.
پۆلیس هەمیش کەفێدە وەر پەلامار لایەنەیلیگ دوژمنی ئەرای دیرن، چ لە شیعە بوون یالە سوننە یا بەعسی یا سەلەفی جیهادی یا میلیشیای شیعە، ک هیمان عراق شوینیگ فرە مەترسیدارە، وەگورەی راپۆرتەگە.
راپۆرتەگە دووپات کرد ک ریخریاگ داعش وەرپرسە لە کوشتن بڕیگ لە ئەفسەرەیل پۆلیس عراق زیاتر لە هەر لایەنیگ تر.
